Қостанай облысында есірткіге қарсы күрес шаралары пысықталды
Қазақстан Республикасы ІІМ есірткі қылмысына қарсы іс-қимыл комитетінің қызметкерлері өңірлік басқарманың қызметін бағалау мақсатында Тобыл өңіріне жұмыс сапарымен барды.
Алғашқы күні комитет төрағасы Данияр Мейрхан басқарма жеке құрамымен кездесіп, қазіргі нәтижелерді, ұйымдастырушылық мәселелерді және жедел-қызметтік жұмыстың тиімділігін одан әрі арттырудың басымдықтарын талқылады.
Ол қызметкерлерге атқарылған жұмыс үшін алғыс білдіріп, кадрлық әлеуетті және материалдық-техникалық базаны нығайтудың маңыздылығын атап өтті.
Кинологиялық орталықтың жұмысына ерекше назар аударылды. Қызметтік иттерді ұстау мен даярлау, сондай-ақ кинологиялық қызметті дамыту мәселелері қаралды.
- Есірткі қылмысына қарсы күрес жоғары дайындықты және үздіксіз жетілдіруді талап етеді. Қызметкерлердің кәсібилігін де, көмекші бөлімшелерді де, соның ішінде кинологиялық қызметті дамыту маңызды, — деді Данияр Мейрхан.
Жұмыс сапары алдағы күндері де жалғасады. Оның барысында бөлімшелердің жұмыс тиімділігін арттыруға бағытталған қосымша кездесулер мен іс-шаралар жоспарланған.
Источник: Министерство внутренних дел Республики Казахстан
Подписывайтесь на наш Telegram канал, и будте в курсе всех важных событий, вот ссылка - https://t.me/gurkkz
- Последние
- Популярные
Новости по дням
17 сентября 2025
