Елордалық мектептерде «8 минуттық көркем әдебиет оқу» жобасы басталды
Астанада жаңа 2026-2027 оқу жылының алғашқы аптасынан бастап Білім басқармасының бастамасымен білім беру ұйымдарында «8 минуттық көркем әдебиет оқу» жобасы басталды, деп хабарлайды елорда әкімдігінің ресми сайты.
Оқушылардың кітап оқуға деген қызығушылығын арттыру, танымдық көзқарасын кеңейту мақсатында ұйымдастырылған жоба аясында балалар күнде 8 минут кітап оқиды. Яғни, әр ауысымның алдында сабақ басталмас бұрын 8 минут уақытын кітап оқуға бөледі.
«Бұл жобаны бастаудағы мақсатымыз әрбір оқушы көркем әдебиет оқыса екен дейміз. Себебі, кітап оқыған оқушының білімі, ой-өрісі кеңейеді. Кітап оқудың пайдасы орасан зор. Сөздік қордың көбеюіне, мидың күнделікті жаттығуына және есте сақтау қабілетінің жетіліп, баланың шығармашылық ойлау жүйесін жақсартады. Одан өзге білім сапасын көтеруге тигізер әсері мол. Сол себепті осы жобаны ойлап тауып, мектептерге енгізіп отырмыз», – дейді Астана қаласы Білім басқармасы Әдістемелік орталығының басшысы Сындар Мұратқызы.
Сондай-ақ, мектептерде «Буккросинг», коворкинг аймақтары да балалар үшін жұмыс істеп тұр.«Бүгін біздің мектепте «8 минуттық оқу» кітап оқу жобасы басталды. Біз бүгіннен бастап бірінші сабақтың алдында көркем әдебиет оқу жобасын бастадық. Мен Сапарғали Бегалиннің «Бала Шоқан» шығармасын оқуды бастадым. Бүгін 8 минутта 5 бет оқыдым. Демек бір айда осы қарқынмен толық бір кітапты аяқтайтын секілдімін. Осы кітапты аяқтаған соң басқа шығармаларды оқи аламын. Кітап оқу жобасының басталуына қатты қуандым. Өйткені, талап етпесе, кітап оқуға көңіл бөлмейтініміз жасырын емес. Бәріңізді кітап оқуға шақырамын», – дейді №56 мектеп-лицейінің оқушысы Рамина Айтуар.
Источник: ГУ «Аппарат акима города Астана»
Подписывайтесь на наш Telegram канал, и будте в курсе всех важных событий, вот ссылка - https://t.me/gurkkz
- Последние
- Популярные
Новости по дням
4 сентября 2026
