Кәмелетке толмаған балаларын күтіп-бағу – ата-анаға міндет

26.10.2021, 08:53 zanmedia.kz

Ақмарал АХМЕТОВА, Маңғыстау облыстық сотының судьясы Дерек көздеріне сүйенсек, елімізде 200 мыңнан астам адам алимент төлеуші ретінде тіркеуде. Оның басым бөлігін ер адамдар құрайды екен. Өкініштісі, тіркеуде тұрғандардың қатарында әйелдер де жоқ емес. Тәжірибемізде өз ошағы мен туған баласынан безінген ерлер, алиментін даулаған жалғызбасты аналар, баласын жалғыз тәрбиелеп отырған ерлер, тіпті, әке-шешенің мейіріміне зәру жеткіншектер жиі кездеседі. Осы ретте, алимент дауының тамыры тереңдеп, қоғамның өзекті мәселесіне айналғанын аңғару тіптен қиын емес. Бүгінде балалардың анасына, өзін асырай алмайтын зайыбына және ересек адамның өз ата-анасына төлейтін алимент түрлері бар. Елімізде алиме