Жазушы Аягүл Мантай өмірден озды

31.07.2021, 21:48 nurtv.kz

Аягүл Мантай - әдебиетке ерте араласқан, әдеби сын мен прозаны қатар алып жүрген жазушы. Білімге ұмтылған, білуге ұмтылған Аягүл әдебиеттен еркіндік іздеп, өзінің ешкімге ұқсамайтын шығармашылық жолын қалыптастыруды мақсат тұтып, Ресей Халықтар Достығы университетінде де оқыды. Мәскеуде 5 жыл тұрды. 2009 жылы «Жалын» баспасынан Аягүлдің «Жаңбырлы көктем» атты әңгімелер жинағы жарық көрген. А.Мантай «Серпер» жастар сыйлығының лауреаты, Баққожа Мұқай атындағы әдеби байқаудың жүлдегері. 2010 жылы Әдебиет номинациясы бойынша Президент стипендиясының иегері. 2021 жылдың 29 шілдесі күні Аягүл мезгілсіз қазаға ұшырады. Біз А.Мантайдың "Неге?" хабарында айтқан пікірлерінен топтама жариялап отырмыз.