«Қолдау көрсетіңіз»: Петропавлдағы «сепаратистер» Тоқаевқа үндеу жасады

02.04.2023, 14:47 exclusive.kz

Әлеуметтік желіде Петропавлдың бір топ тұрғыны Қазақстаннан «тәуелсізбіз» деп мәлімдеме жасаған еді. Белсенділер халық Кеңесі құрылғанын жариялады. Бейнежазбадағы кейіпкерлер ел президенті Қасым-Жомарт Тоқаевқа үндеу жасады, деп хабарлайды Exclusive.kz. Олар өз әрекеттері мен мәлімдемелеріне түсініктеме беріп, мемлекет басшысынан барлық әлеуметтік желілерді бақылауға алуды және қолдау көрсетуді сұрады. Олар халықтың мәлімдемені дұрыс түсінбегенін, оппозиционерлер бұл мүмкіндікті пайдаланып, өз мақсаттарына пайдаланғанын айтады. Белсенділер өздеріне және олардың жақындарына қауіп төніп тұрғанын жеткізді. – Сізден барлық әлеуметтік желілерді бақылауға алып, арандатушыларды анықтауыңызды сұраймыз. Біз басқа адамдардың ойындары үшін құрбан болғымыз келмейді, – деді олардың бірі. Айта кетейік, Петропавлдағы сепаратизмді насихаттаушылар ҰҚК назарына іліккен еді. – Осы күні облыстық Полиция департаменті мен Ұлттық қауіпсіздік комитеті департаментінің тергеушілерінен жедел-тергеу тобы құрылды. Іс бойынша процесс прокурорлары айқындалды, – деп жазылған хабарламада. Сотқа дейінгі тергеп-тексеру шеңберінде жедел-тергеу іс-шаралары, оның ішінде тінту мен алу жүргізілуде, сондай-ақ тиісті сот сараптамалары тағайындалды. Коллаж: Exclusive.kz