Қазақстанда ҰҚШҰ күштерінің оқу-жаттығулары өтеді

19.08.2022, 14:54 exclusive.kz

Қазақстан мен Беларусьте Ұжымдық қауіпсіздік туралы шарт ұйымы күштерінің Скала-2023 және Скала-2024 деп аталатын штабтық жаттығулары өтеді. Мұндай шешім 18 тамыз күні Мәскеуде ҰҚШҰ-ға мүше мемлекеттердің төтенше жағдайлар жөніндегі үйлестіру кеңесінің он үшінші отырысында қабылданды. Іс-шара Ресей ТЖМ басшысы Александр Куренковтың төрағалығымен Армения, Беларусь, Қазақстан, Қырғызстан және Тәжікстан төтенше ведомстволарының басшыларының қатысуымен өтті. – Тараптар Беларусь Республикасының Төтенше жағдайлар министрі Вадим Синявскийдің кандидатурасын ҰҚШҰ-ға мүше мемлекеттердің төтенше жағдайлар жөніндегі үйлестіру кеңесінің келесі төрағасы ретінде бекітті. Тиісінше, Беларусь Республикасы мен Қазақстан Республикасында штабтық Скала-2023 және Скала-2024 жаттығуларын өткізу туралы шешім қабылданды, – делінген ҰҚШҰ хабарламасында. Фото: ТАСС