Тәжікстан-Ауған шекарасын күзеткен ҚАЖ қызметкері

11.05.2021, 17:21 zanmedia.kz

Әрбір ер азаматтың Отан алдындағы парызы, әскер қатарына бару болса, сол міндетті мүлтіксіз атқарған ер-жігіттің бірі, ЗК-169/1 тергеу изоляторының аға корпусшысы, әділет прапорщигі Арысбеков Мұңайтпас. Бұл азамат өз елінің емес, өзге елдің шекара күзетінде болған. 1998 жылы әскер қатарына шақырылып, Талғар қаласының Жаркенттегі әскери бөлімшесінде түсті. Мұнда 3 ай дайындық тобында болды. – Мен сонда, өзім сұранып, Тәжікстанның Пшехаварск шатқалындағы Пяндж өзенінің бойындағы шекара күзетіне баруды ұйғардым. Бұған дейін есірткі тасымалдаумен аты шығып, ушығып тұрған бұл шекарада 1995 ж 7 сәуірде Қазақстандық жетінші жыйынтық ротасының 17 жауынгері моджахедттердің қолынан қаза тапқан екен.